Skandal brenda spitalit: Kapet “mat” punonjësja shëndetësore, ja mashtrimi që bënte me vaksinat e Covid-19

Një skandal me dhjetëra vaksinime të rreme është zbuluar në Greqi nga autoritetet shëndetësore. Në Karditsa, një punonjëse e një qendre shëndetësore kishte ndërhyrë në sistemin e vaksinimeve dhe kishte regjistruar fiktivisht disa persona sikur kishin marrë të dyja dozat e vaksinës anti-Covid.
Për këtë skandal ka reaguar edhe ministri grek i Shëndetësisë, i cili ka kërkuar që të hetohet ky rast dhe mos të ketë tolerime për incidente të tilla.
Sipas shtypit grek, në sistem janë regjistruar 47 persona si të vaksinuar, kur ndërkohë nuk kanë marrë asnjë dozë. Këta persona janë në fakt kundër aplikimit të vaksinës dhe kërkonin certifikatën e vaksinimit në mënyrë që të kenë aksese në shërbime publike, në vendin e punës apo dhe në vende të tjera.
Skandali u zbulua rastësisht kur u pa se në disa dokumente të plotësuar për këta qytetarë, mungonte vula e mjekut.
Nga hetimi i deritanishëm ka rezultuar se punonjësja e kësaj qendre shëndetësore, për shkak të besimit nga ana e mjekut, kishte hyrë ilegalisht me kodet e tij në sistemin elektronik dhe kishte regjistruar 47 persona sikur të ishin vaksinuar.
Autoritetet greke janë duke hetuar edhe përfshirjen e mundshme të një infermiereje dhe sa ka qenë fitimi për këto regjistrime fiktive.

Be the first to comment on "Skandal brenda spitalit: Kapet “mat” punonjësja shëndetësore, ja mashtrimi që bënte me vaksinat e Covid-19"

Leave a comment

Your email address will not be published.


*